ແຜນຍຸດທະສາດ I: ຄຸ້ມຄອງ ແລະ ປົກປັກຮັກສາ ປ່າໄມ້

ແຜນວຽກຈຸດສຸມ 1.1: ຄຸ້ມຄອງ ແລະ ປົກປັກຮັກສາປ່າປ້ອງກັນ

• ໂຄງການ 1: ກໍານົດເຂດ ປ່າປ້ອງກັນ ແລະ ທີ່ດິນປ່າປ້ອງກັນ

  ກຳນົດເຂດລະດັບ ຊາດ, ແຂວງ, ເມືອງ ແລະ ບ້ານ ໃຫ້ໄດ້ 8.2 ລ້ານ ເຮັກຕາ ເພື່ອສະເໜີລັດຖະບານ ແລະ ອົງການປົກຄອງທ້ອງຖິ່ນຮັບຮອງ, ສ້າງແຜນຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ແບບຍືນຍົງ, ວາງແຜນຄຸ້ມຄອງປ່າໄມ້ຂັ້ນບ້ານ ທັງບ້ານຢູ່ໃນ ແລະ ຕິດແປະເຂດປ່າປ້ອງກັນ.

• ໂຄງການ 2: ຊຸກຍູ້ ແລະ ສົ່ງເສີມ ການຈັດຕັ້ງປະຕິບັດ ແຜນການຄຸ້ມຄອງ ແລະ ປົກປັກຮັກສາ ປ່າປ້ອງກັນ

  ເຊັ່ນ: ການຕິດປ້າຍ ແລະ ປັກຫຼັກໝາຍ, ການກວດກາລາດຕະເວນ, ການຟື້ນຟູປ່າທີ່ຊຸດໂຊມ, ການຄຸ້ມຄອງປ່າໄມ້ຂັ້ນບ້ານ ລວມທັງການພັດທະນາຊີວິດການເປັນຢູ່ຂອງປະຊາຊົນບັນດາເຜົ່າທີ່ອາໄສຢູ່ໃນ ແລະ ຕິດແປະເຂດປ່າປ້ອງກັນ.

• ໂຄງການ 3: ກຳນົດເຂດ ແລະ ສ້າງແຜນ ການຄຸ້ມຄອງ ແລະ ປົກປັກຮັກສາເຂດ ແຫຼ່ງນໍ້າ

  ປ່າຍອດນໍ້າ, ປ່າແຄມນ້ຳ ແລະ ແຄມທາງ ຕາມສາຂາແມ່ນໍ້າຕ່າງໆ ທີ່ມີຄວາມສຳຄັນຕໍ່ອ່າງຮັບນໍ້າ ຂະໜາດ ໃຫຍ່, ກາງ ແລະ ນ້ອຍ.

ແຜນວຽກຈຸດສຸມ 1.2: ຄຸ້ມຄອງ ແລະ ປົກປັກຮັກສາປ່າສະຫງວນ

• ໂຄງການ 1: ກໍານົດເຂດ ປ່າສະຫງວນ ແລະ ທີ່ດິນປ່າສະຫງວນ

  ກຳນົດເຂດລະດັບຊາດ, ແຂວງ, ເມືອງ ແລະ ບ້ານ ຈຳນວນ 4.7 ລ້ານ ເຮັກຕາ ເພື່ອສະເໜີລັດຖະບານ ແລະ ອົງການປົກຄອງທ້ອງຖິ່ນຮັບຮອງ, ຈັດປະເພດປ່າສະຫງວນ, ສ້າງແຜນຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ແບບຍືນຍົງ, ວາງແຜນຄຸ້ມຄອງປ່າໄມ້ຂັ້ນບ້ານ ທັງບ້ານຢູ່ໃນ ແລະ ຕິດແປະເຂດປ່າສະຫງວນ.

• ໂຄງການ 2: ຊຸກຍູ້ ແລະ ສົ່ງເສີມ ການຈັດຕັ້ງປະຕິບັດ ແຜນການຄຸ້ມຄອງ ແລະ ປົກປັກຮັກສາ ປ່າສະຫງວນ

  ເຊັ່ນ: ການຕິດປ້າຍ ແລະ ປັກຫຼັກໝາຍ, ການກວດກາລາດຕະເວນ, ການຟື້ນຟູປ່າໄມ້ທີ່ຊຸດໂຊມ, ການຄຸ້ມຄອງປ່າໄມ້ຂັ້ນບ້ານ ລວມທັງການພັດທະນາຊີວິດການເປັນຢູ່ຂອງປະຊາຊົນບັນດາເຜົ່າທີ່ອາໄສຢູ່ໃນ ແລະ ຕິດແປະເຂດປ່າສະຫງວນ.

ແຜນວຽກຈຸດສຸມ 1.3: ຄຸ້ມຄອງ ແລະ ປົກປັກຮັກສາປ່າຜະລິດ

• ໂຄງການ 1: ກໍານົດເຂດ ປ່າຜະລິດ ແລະ ທີ່ດິນປ່າຜະລິດ

  ກຳນົດເຂດທີ່ລັດຖະບານໄດ້ຮັບຮອງ ຈຳນວນ 3.1 ລ້ານ ເຮັກຕາ ເພື່ອສ້າງ ຫຼື ປັບປຸງ ແຜນຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ ແບບຍືນຍົງ, ວາງແຜນຄຸ້ມຄອງປ່າໄມ້ຂັ້ນບ້ານ ທັງບ້ານຢູ່ໃນ ແລະ ຕິດແປະເຂດປ່າຜະລິດ.

• ໂຄງການ 2: ຊຸກຍູ້ ແລະ ສົ່ງເສີມ ການຈັດຕັ້ງປະຕິບັດ ແຜນການຄຸ້ມຄອງ ແລະ ປົກປັກຮັກສາ ປ່າຜະລິດ

  ເຊັ່ນ: ການຕິດປ້າຍ ແລະ ປັກຫຼັກໝາຍ, ການກວດກາລາດຕະເວນ, ການປູກໄມ້ ແລະ ເຄື່ອງປ່າຂອງດົງເປັນສິນຄ້າ, ການຄຸ້ມຄອງປ່າໄມ້ຂັ້ນບ້ານ ລວມທັງການພັດທະນາຊີວິດການເປັນຢູ່ຂອງປະຊາຊົນບັນດາເຜົ່າທີ່ອາໄສ ຢູ່ໃນ ແລະ ຕິດແປະເຂດປ່າຜະລິດ.

ແຜນວຽກຈຸດສຸມ 1.4: ຄຸ້ມຄອງ ແລະ ປົກປັກຮັກສາທີ່ດິນບໍລິເວນນໍ້າ

• ໂຄງການ 1: ສໍາຫຼວດ ແລະ ກໍານົດເຂດ ທີ່ດິນບໍລິເວນນໍາ້

  ສໍາຫຼວດເຂດທີ່ຢູ່ໃນເຂດປ່າໄມ້ ເພື່ອສ້າງ ຫຼື ປັບປຸງ ແຜນຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ ແບບຍືນຍົງ.

• ໂຄງການ 2: ຊຸກຍູ້ ແລະ ສົ່ງເສີມ ການສ້າງ ແລະ ຈັດຕັ້ງປະຕິບັດແຜນຄຸ້ມຄອງ

  ປົກປັກຮັກສາ, ພັດທະນາ ແລະ ນຳໃຊ້ທີ່ດິນບໍລິເວນນ້ໍາ ໃນເຂດປ່າໄມ້ ແບບຍືນຍົງ ເຊັ່ນ: ສ້າງລະບົບການຄຸ້ມຄອງປົກປັກຮັກສາ, ສະກັດກັ້ນ ຕ້ານການບຸກລຸກທີ່ດິນບໍລິເວນນໍ້າ, ການຕິດປ້າຍ, ປັກຫຼັກໝາຍ, ການພັດທະນາຊີວິດການເປັນຢູ່ຂອງປະຊາຊົນບັນດາເຜົ່າທີ່ອາໄສຢູ່ຕິດແປະເຂດທີ່ດິນບໍລິເວນນ້ຳ.

ແຜນວຽກຈຸດສຸມ 1.5: ຄຸ້ມຄອງ ແລະ ປົກປັກຮັກສາຊີວະນານາພັນ, ພັນໄມ້, ພັນພືດ ແລະ ພັນສັດປ່າ

• ໂຄງການ 1: ຄຸ້ມຄອງ ແຫຼ່ງແກ່ນພັນ ໄມ້ ແລະ ເຄື່ອງປ່າຂອງດົງ

  ໂດຍສຸມໃສ່ ທົບທວນ, ສ້າງ ແລະ ຟື້ນຟູ ແຫຼ່ງແກ່ນພັນ ໄມ້ ແລະ ເຄື່ອງປ່າຂອງດົງ ທີ່ຫາຍາກ ແລະ ໃກ້ຈະສູນພັນ, ກຳນົດມາດຕະການຄຸ້ມຄອງ, ປົກປັກຮັກສາ ແລະ ກວດກາ ໂດຍການມີສ່ວນຮ່ວມຂອງປະຊາຊົນບັນດາເຜົ່າ.

• ໂຄງການ 2: ກຳນົດ ແລະ ປັບປຸງ ບັນຊີໄມ້, ເຄື່ອງປ່າຂອງດົງ, ສັດນ້ຳ ແລະ ສັດປ່າ ທີ່ຫາຍາກ

  ແລະ ໃກ້ຈະສູນພັນລວມທັງ ປະເມີນຄວາມສ່ຽງ ຕໍ່ກັບການຢູ່ລອດຂອງຊະນິດພັນທີ່ຢູ່ໃນທຳມະຊາດ, ກຳນົດມາດຕະການ ຄຸ້ມຄອງ, ປົກປັກຮັກສາ ແລະ ກວດກາ ໂດຍການມີສ່ວນຮ່ວມຂອງປະຊາຊົນບັນດາເຜົ່າ.

• ໂຄງການ 3: ຄຸ້ມຄອງ ເຂດອະນຸລັກ ຊີວະນານາພັນ ທີ່ຫາຍາກ ແລະ ໃກ້ຈະສູນພັນ

  ໂດຍສຸມໃສ່ ກຳນົດ ຖິ່ນທີ່ຢູ່ອາໄສ ແລະ ເຂດອະນຸລັກ ພັນ ພືດ ແລະ ສັດ, ກຳນົດມາດຕະການ ຄຸ້ມຄອງປົກປັກຮັກສາ ແລະ ກວດກາ ຖິ່ນທີ່ຢູ່ອາໄສ ແລະ ເຂດອະນຸລັກຊີວະນານາພັນ, ພັນ ພືດ ແລະ ສັດ ທີ່ຫາຍາກ ແລະ ໃກ້ຈະສູນພັນ.

• ໂຄງການ 4: ໂຄສະນາ ເຜີຍແຜ່ ແລະ ປູກຈິດສຳນຶກ ການປົກປັກຮັກສາຊັບພະຍາກອນປ່າໄມ້

  ແລະ ສ້າງຂະບວນ ການ ອະນຸລັກຊີວະນານາພັນ, ສັດນໍ້າ ແລະ ສັດປ່າໃນວັນສໍາຄັນຕ່າງໆ ຂອງຊາດ ແລະ ສາກົນ, ເຊື່ອມໂຍງວຽກງານ ອະນຸລັກ, ປົກປັກຮັກສາຊັບພະຍາກອນປ່າໄມ້, ຊີວະນານາພັນ, ສັດປ່າ ເຂົ້າໃນ ຫຼັກສູດການຮຽນ-ການສອນ ໃນລະດັບ ອະນຸບານ ຈົນຮອດ ມະຫາວິທະຍາໄລ.

ແຜນວຽກຈຸດສຸມ 1.6: ສະກັດກັ້ນ ແລະ ຕ້ານ ການບຸກລຸກ ແລະ ທໍາລາຍ ປ່າໄມ້ ແລະ ທີ່ດິນປ່າໄມ້

• ໂຄງການ 1: ປັບປຸງ ລະບົບຕິດຕາມ ກວດກາ ການບຸກລຸກ ແລະ ທຳລາຍຊັບພະຍາກອນປ່າໄມ້

  ໃຫ້ມີປະສິດທິພາບ, ສ້າງຄວາມເຂັ້ມແຂງ ພະນັກງານ-ລັດຖະກອນ, ເຈົ້າໜ້າທີ່ປ່າໄມ້, ເຈົ້າໜ້າທີ່ກ່ຽວຂ້ອງ, ອົງການຈັດຕັ້ງຂັ້ນບ້ານ ແລະ ປະຊາຊົນ ໃນການສະກັດກັ້ນ ແລະ ຕ້ານ ການບຸກລຸກ, ທຳລາຍຊັບພະຍາກອນ ປ່າໄມ້.

• ໂຄງການ 2: ປັບປຸງ ລະບົບການປະສານງານ, ການຮ່ວມມື ແລະ ການແລກປ່ຽນຂໍ້ມູນຂ່າວສານ

  ກັບບັນດາເຄືອຂ່າຍພາຍໃນ, ພາກພື້ນ ແລະ ສາກົນ ໃນການບັງຄັບໃຊ້ກົດໝາຍ ວ່າດ້ວຍ ປ່າໄມ້, ສັດປ່າ, ສັດນໍ້າ ແລະ ການປະມົງ ເພື່ອສະກັດກັ້ນ ແລະ ຕ້ານ ອາຊະຍາກໍາ ໄມ້, ສັດນໍ້າ, ສັດປ່າ ແລະ ພືດປ່າ ພາຍໃນ ແລະ ຂ້າມຊາດ.

• ໂຄງການ 3: ສ້າງຄວາມເຂັ້ມແຂງ ໃຫ້ແກ່ ອົງການສືບສວນ-ສອບສວນ

  ຂອງເຈົ້າໜ້າທີ່ປ່າໄມ້, ອົງການໄອຍະການ ປະຊາຊົນ ແລະ ສານປະຊາຊົນ ເພື່ອປະຕິບັດມາດຕະການຕໍ່ຜູ້ລະເມີດ ກົດໝາຍ ຕາມຂະບວນການຍຸຕິທຳ.

• ໂຄງການ 4: ເພີ່ມທະວີ ຄວາມເຂັ້ມງວດ ໃນການສະກັດກັ້ນ ແລະ ຕ້ານ ການບຸກລຸກທຳລາຍ ປ່າໄມ້

  ແລະ ທີ່ດິນ ປ່າໄມ້, ການຂຸດຄົ້ນໄມ້, ເຄື່ອນຍ້າຍໄມ້; ການຄຸ້ມຄອງ ແລະ ກວດກາ ສັດປ່າ ແລະ ພືດປ່າ ປະເພດຫວງຫ້າມ ໂດຍການປະສານສົມທົບກັບ ຂະແໜງການ ແລະ ອົງການປົກຄອງທ້ອງຖິ່ນທີ່ກ່ຽວຂ້ອງ ກວດກາການນໍາໃຊ້ ປ່າໄມ້ ແລະ ທີ່ດິນປ່າໄມ້ ທີ່ຜິດກົດໝາຍ ພ້ອມທັງດຳເນີນຄະດີ ຕໍ່ຜູ້ລະເມີດ ຕາມຂະບວນການຍຸຕິທຳ.

• ໂຄງການ 5: ການສະກັດກັ້ນ ແລະ ຕ້ານ ໄຟໄໝ້ລາມປ່າ

  ໃນເຂດ ປ່າໄມ້ ແລະ ທີ່ດິນປ່າໄມ້ ໂດຍການສ້າງເປັນໂຄງການລະອຽດ, ກໍານົດນິຕິກໍາ, ກົນໄກ, ເຕັກນິກວິຊາການ ແລະ ຂອດການຮ່ວມມື ແລະ ປະສານງານ ພາຍໃນ, ພາກພື້ນ ແລະ ສາກົນ.